ଭୁବନେଶ୍ୱର, ୨ ଅକ୍ଟୋବର, ୨୦୨୬: ସହରବାସୀଙ୍କ ମଧ୍ୟରେ କ୍ରୀଡ଼ା ମନୋଭାବ ଏବଂ ଶାରୀରିକ ସୁସ୍ଥତା ବୃଦ୍ଧି କରିବା ଉଦ୍ଦେଶ୍ୟରେ ପ୍ରମୁଖ ରିଅଲ ଇଷ୍ଟେଟ୍ ସଂସ୍ଥା ‘ଗ୍ରୁପ୍ ଜି’ ଆଜି ‘ଜି ଅଟମ୍ ଲିଗ୍ ୨୦୨୬’ର ଆନୁଷ୍ଠାନିକ ଶୁଭାରମ୍ଭ ସମ୍ପର୍କରେ ଘୋଷଣା କରିଛି। ଆଜିକାଲିର ସ୍ମାର୍ଟଫୋନ୍-ଟିଭି ନିଶା, ନିଷ୍କ୍ରିୟ ଦୈନନ୍ଦିନ ଜୀବନଚର୍ଯ୍ୟା ଏବଂ ମୁକ୍ତ ଖେଳପଡ଼ିଆର ଅଭାବ ଯୋଗୁଁ ଦେଖାଦେଉଥିବା ସ୍ୱାସ୍ଥ୍ୟ ସମସ୍ୟାର ସମାଧାନ କରିବା ଏହି ଦୁଇ ମାସିଆ ଅଭିଯାନର ମୂଳ ଲକ୍ଷ୍ୟ। ଅକ୍ଟୋବର ୨ରୁ ନଭେମ୍ବର ମାସ ଶେଷ ପର୍ଯ୍ୟନ୍ତ ଆୟୋଜିତ ହେବାକୁ ଥିବା ଏହି କ୍ରୀଡ଼ା ମହୋତ୍ସବରେ କର୍ପୋରେଟ୍ ବର୍ଗ, ସ୍ଥାନୀୟ ବାସିନ୍ଦା ଓ ଖେଳାଳିଙ୍କ ପାଇଁ ୪ଟି ଆକର୍ଷଣୀୟ ଟୁର୍ଣ୍ଣାମେଣ୍ଟ ରହିଛି। ଅକ୍ଟୋବର ୨, ଶୁକ୍ରବାର ଦିନ ‘ଜି କର୍ପୋରେଟ୍ ଟେବୁଲ୍ ଟେନିସ୍ ଟୁର୍ଣ୍ଣାମେଣ୍ଟ’ରୁ ଏହି ପ୍ରତିଯୋଗିତା ଆରମ୍ଭ ହେବ।
ଏହି ଆୟୋଜନ ସମ୍ପର୍କରେ ସୂଚନା ଦେଇ ଗ୍ରୁପ୍ ଜି-ର ଶ୍ରୀ ଆଶିଷ ଗର୍ଗ କହିଛନ୍ତି ଯେ, ରିଅଲ ଇଷ୍ଟେଟ୍ ବ୍ୟବସାୟରେ ଜମିର ପ୍ରତ୍ୟେକ ବର୍ଗଫୁଟର ବିକ୍ରୟ ମୂଲ୍ୟ ଥିବା ସତ୍ତ୍ୱେ ଖେଳକୁଦ ଓ ଆମୋଦ-ପ୍ରମୋଦ ପାଇଁ ଏକର ଏକର ଖୋଲା ସ୍ଥାନ ଛାଡ଼ିବା ସୁସ୍ଥ ଜୀବନଶୈଳୀ ପ୍ରତି ସେମାନଙ୍କ ଗୁରୁତ୍ୱକୁ ଦର୍ଶାଉଛି। ଏହି ସ୍ଥାନଗୁଡ଼ିକ କେବଳ ସାଧାରଣ ସୁବିଧା ନୁହେଁ, ବରଂ ବାସିନ୍ଦାଙ୍କ ସ୍ୱାସ୍ଥ୍ୟ ଏବଂ ସୁଖମୟ ଭବିଷ୍ୟତ ପାଇଁ ଏକ ବୃହତ୍ ନିବେଶ। ଖେଳକୁଦକୁ ସହରବାସୀଙ୍କ ଦୈନନ୍ଦିନ ଜୀବନର ଅଙ୍ଗ କରିବାକୁ ହେଲେ ଏହା ସେମାନଙ୍କ ନିକଟତର ହେବା ଆବଶ୍ୟକ।
ଏହି ‘ଜି ଅଟମ୍ ଲିଗ୍ ୨୦୨୬’ରେ ଭୁବନେଶ୍ୱରର ବିଭିନ୍ନ କର୍ପୋରେଟ୍ କର୍ମଚାରୀ, ଯୁବବର୍ଗ ଓ କ୍ରୀଡ଼ାପ୍ରେମୀଙ୍କୁ ମିଶାଇ ୨,୦୦୦ରୁ ଅଧିକ ପ୍ରତିଯୋଗୀ ଅଂଶଗ୍ରହଣ କରିବାର ଆକଳନ କରାଯାଇଛି। ସ୍ଥିରୀକୃତ ସମୟସୂଚୀ ଅନୁଯାୟୀ, ୨ ଅକ୍ଟୋବର ୨୦୨୬ରେ ‘ଜି କର୍ପୋରେଟ୍ ଟେବୁଲ୍ ଟେନିସ୍ ଟୁର୍ଣ୍ଣାମେଣ୍ଟ’, ୩୦ ଅକ୍ଟୋବର ୨୦୨୬ରେ ‘ଜି ପିକଲବଲ୍ ଟୁର୍ଣ୍ଣାମେଣ୍ଟ’, ୧୫ ନଭେମ୍ବର ୨୦୨୬ରେ ‘ଜି ବକ୍ସ କ୍ରିକେଟ୍ ଟୁର୍ଣ୍ଣାମେଣ୍ଟ’ ଏବଂ ୨୯ ନଭେମ୍ବର ୨୦୨୬ରେ ଅନ୍ତିମ କାର୍ଯ୍ୟକ୍ରମ ‘ଜି ରନ୍ – ସୋନୁ ସୁଦଙ୍କ ସହ’ ଅନୁଷ୍ଠିତ ହେବ। ଏହି ମାରାଥନ୍ ଦୌଡ଼ରେ ଶହ ଶହ ଧାବକଙ୍କ ସହ ଲୋକପ୍ରିୟ ଅଭିନେତା ତଥା ସମାଜସେବୀ ସୋନୁ ସୁଦ ସାମିଲ ହୋଇ ଫିଟନେସ୍ ଓ ସାମାଜିକ ଏକତାର ସନ୍ଦେଶ ଦେବେ। ଏହି ଲିଗ୍ ଜରିଆରେ ଗ୍ରୁପ୍ ଜି ସବୁଜିମା ଓ ମୁକ୍ତ କ୍ରୀଡ଼ାଙ୍ଗନ ବିଶିଷ୍ଟ ଏକ ଆଦର୍ଶ ଆବାସିକ ପରିବେଶ ଗଢ଼ିବା ପାଇଁ ନିଜର ବାସ୍ତବ ପ୍ରତିବଦ୍ଧତା ପ୍ରକାଶ କରିଛି।
