ଭୁବନେଶ୍ୱର, ୧୮ ଜୁଲାଇ ୨୦୨୬: ପରୀକ୍ଷା ପ୍ରସ୍ତୁତି କ୍ଷେତ୍ରରେ ଦେଶର ଅଗ୍ରଣୀ ସଂସ୍ଥା ଆକାଶ ଏଜୁକେସନାଲ ସର୍ଭିସେସ୍ ଲିମିଟେଡ୍ (ଏଇଏସଏଲ)ର ଭୁବନେଶ୍ୱର କ୍ଲାସରୁମ୍ ପ୍ରୋଗ୍ରାମର ୧୧ ଜଣ ଛାତ୍ରଛାତ୍ରୀ ନ୍ୟାସନାଲ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ (ନିଟ ଯୁଜି) ୨୦୨୬ ରେ ଶୀର୍ଷ ମାନ୍ୟତା ପାଇ ବିଶେଷ ସଫଳତା ହାସଲ କରିଛନ୍ତି। ଏହି ଅସାଧାରଣ ସଫଳତା ପଛରେ ଛାତ୍ରଛାତ୍ରୀମାନଙ୍କର ନିରନ୍ତର ପରିଶ୍ରମ, ଦୃଢ଼ ସଂକଳ୍ପ ଏବଂ ଶୃଙ୍ଖଳିତ ପ୍ରସ୍ତୁତି ରହିଥିବା ବେଳେ ଆକାଶର ଶିକ୍ଷାଗତ ମାର୍ଗଦର୍ଶନ ଏବଂ ସୁସଂଗଠିତ ଶିକ୍ଷା ବ୍ୟବସ୍ଥା ଏଥିରେ ସମ୍ପୂର୍ଣ୍ଣ ସାହାଯ୍ୟ କରିଛି।
ଏହି ସଫଳ ଛାତ୍ରଛାତ୍ରୀଙ୍କ ତାଲିକାର ଶୀର୍ଷରେ ଅଛନ୍ତି ଅମାନ କୁମାର ନାୟକ, ଯିଏ କି ସର୍ବଭାରତୀୟ ସ୍ତରରେ ୮୦ ତମ ସ୍ଥାନ ହାସଲ କରିଛନ୍ତି। ଅନ୍ୟ ସଫଳ ଛାତ୍ରଛାତ୍ରୀମାନଙ୍କ ମଧ୍ୟରେ ଅଭିଳାଷା ପଣ୍ଡା (୨୨୫ତମ ସ୍ଥାନ), ଦେବେଶ କୁମାର ସାହୁ (୨୭୩ତମ ସ୍ଥାନ), ପିୟୂଷ ପ୍ରିୟମ୍ବଦ (୫୧୫ତମ ସ୍ଥାନ), ପ୍ରୟାସ ପ୍ରତୀକ ମହାନ୍ତି (୬୩୭ତମ ସ୍ଥାନ), ପିହୁ ଶିଙ୍ଘାଣିଆ (୬୫୩ତମ ସ୍ଥାନ) ଏବଂ ଶ୍ରେୟନ ଖୁଣ୍ଟିଆ (୯୫୯ତମ ସ୍ଥାନ) ଅଧିକାର କରିଛନ୍ତି। ଅନୁଷ୍ଠାନର ସମୁଦାୟ ୧୧ ଜଣ ବିଦ୍ୟାର୍ଥୀ ୬୫୦ ରୁ ଅଧିକ ସ୍କୋର କରିଥିବାବେଳେ ୫୩ ଜଣରୁ ଅଧିକ ୬୦୦ ରୁ ଅଧିକ ଏବଂ ୧୫ ଜଣ ୫୫୦ ରୁ ଅଧିକ ସ୍କୋର କରିବାରେ ସଫଳ ହୋଇଛନ୍ତି।
ନିଟ ଯୁଜି ୨୦୨୬ରେ ଏଭଳି ଚମତ୍କାର ସଫଳତା ଦେଇ ଏଇଏସଏଲ ମେଡିକାଲ ପ୍ରବେଶିକା ପରୀକ୍ଷା ପ୍ରସ୍ତୁତି ପାଇଁ ଭାରତର ସବୁଠାରୁ ବିଶ୍ୱାସଯୋଗ୍ୟ ଅନୁଷ୍ଠାନ ଭାବେ ନିଜର ସ୍ଥାନକୁ ପୁଣି ଥରେ ପ୍ରମାଣିତ କରିଛି। ଚଳିତ ବର୍ଷ ସାରା ଦେଶରେ ଆକାଶର ୪ ଜଣ ଛାତ୍ରଛାତ୍ରୀ ଟପ୍ ୧୦ ରେ, ୧୮ ଜଣ ଛାତ୍ରଛାତ୍ରୀ ଟପ୍ ୫୦ ରେ ଏବଂ ୪୧ ଜଣ ଛାତ୍ରଛାତ୍ରୀ ଟପ୍ ୧୦୦ ରେ ସ୍ଥାନ ପାଇଛନ୍ତି ଏବଂ ଏହି ସଂଖ୍ୟା ଆଗକୁ ଆହୁରି ବଢୁଛି। ଏହି ଉଲ୍ଲେଖନୀୟ ଫଳାଫଳ ଏଇଏସଏଲର ଶିକ୍ଷାଗତ ଶ୍ରେଷ୍ଠତାର ପରମ୍ପରା, ଛାତ୍ରଛାତ୍ରୀମାନଙ୍କୁ ପ୍ରାଧାନ୍ୟ ଦେବାର ଶୈଳୀ ଏବଂ ଦକ୍ଷ ଶିକ୍ଷକ, ସମ୍ପୂର୍ଣ୍ଣ ପାଠ୍ୟ ବ୍ୟବସ୍ଥା, ନିୟମିତ ପରୀକ୍ଷା ଓ ବ୍ୟକ୍ତିଗତ ମାର୍ଗଦର୍ଶନ ଜରିଆରେ ଦେଶସାରା ଟପ୍-ରାଙ୍କର ମେଡିକାଲ ଆଶାୟୀ ତିଆରି କରିବାର କ୍ଷମତାକୁ ଦର୍ଶାଉଛି।
ନିଜର ଖୁସି ବ୍ୟକ୍ତ କରି ସଫଳତା ପାଇଥିବା ଛାତ୍ରଛାତ୍ରୀମାନେ କହିଛନ୍ତି ଯେ ଶୀର୍ଷ ସ୍ଥାନ ପାଇବା ଏକ ସ୍ୱପ୍ନ ସତ ହେବା ପରି ମନେହେଉଛି। ସେମାନଙ୍କ ଉପରେ ସବୁବେଳେ ବିଶ୍ୱାସ ବଜାୟ ରଖିଥିବାରୁ ସେମାନେ ନିଜ ପିତାମାତାଙ୍କୁ ଏବଂ ସଠିକ୍ ବାଟ ଦେଖାଇବା ସହ ପ୍ରେରଣା ଦେଇଥିବାରୁ ଆକାଶର ଶିକ୍ଷକମାନଙ୍କୁ ଆନ୍ତରିକ ଧନ୍ୟବାଦ ଜଣାଇଛନ୍ତି। ନିୟମିତ ମକ୍ ଟେଷ୍ଟ, ଫଳାଫଳର ସଠିକ୍ ସମୀକ୍ଷା, ସନ୍ଦେହ ଦୂର କରିବା ପାଇଁ ସ୍ପେଶାଲ ସେସନ ଏବଂ ଶୃଙ୍ଖଳିତ କ୍ଲାସରୁମ୍ ପାଠପଢ଼ା ସେମାନଙ୍କର ବେସିକ୍ସକୁ ମଜବୁତ କରିବାରେ ଏବଂ ପ୍ରସ୍ତୁତି ସମୟରେ ଧ୍ୟାନ କେନ୍ଦ୍ରିତ କରିବାରେ ସାହାଯ୍ୟ କରିଥିଲା। ଏହି ସଫଳତା ସେମାନଙ୍କୁ ଆଗକୁ ଜଣେ ସଫଳ ଡାକ୍ତର ହେବା ପାଇଁ ଆହୁରି ଅଧିକ ପରିଶ୍ରମ କରିବାକୁ ପ୍ରେରଣା ଦେଉଛି ବୋଲି ସେମାନେ ପ୍ରକାଶ କରିଛନ୍ତି।
ଏଇଏସଏଲ ର ଆଞ୍ଚଳିକ ନିର୍ଦ୍ଦେଶକ (ରିଜିଓନାଲ ଡିରେକ୍ଟର) ଅଜୟ ବାହାଦୁର ସିଂ ଏହି ଅବସରରେ କହିଛନ୍ତି ଯେ ଛାତ୍ରଛାତ୍ରୀମାନଙ୍କର ଏହି ସଫଳତା ସମଗ୍ର ଆକାଶ ପରିବାର ପାଇଁ ଏକ ଗର୍ବର ମୁହୂର୍ତ୍ତ। ସେମାନଙ୍କର ଶୃଙ୍ଖଳା, ନିରନ୍ତର ପ୍ରୟାସ ଏବଂ ଶିଖିବାର ଇଚ୍ଛା ସେମାନଙ୍କୁ ପ୍ରସ୍ତୁତି ସମୟରେ ସମସ୍ତଙ୍କଠାରୁ ଆଗରେ ରଖିଥିଲା। ସେ ସମସ୍ତ କୃତୀ ବିଦ୍ୟାର୍ଥୀ ଓ ସେମାନଙ୍କ ପରିବାରକୁ ଏହି ଯୋଗ୍ୟ ସଫଳତା ପାଇଁ ଅଭିନନ୍ଦନ ଜଣାଇବା ସହ ସେମାନଙ୍କର ଉଜ୍ଜ୍ୱଳ ଭବିଷ୍ୟତ ପାଇଁ ଅନେକ ଶୁଭେଚ୍ଛା ଜଣାଇଛନ୍ତି।
ଏଇଏସଏଲର ଏହି ସମନ୍ୱିତ ଶିକ୍ଷା ବ୍ୟବସ୍ଥାରେ ଅଭିଜ୍ଞ ଶିକ୍ଷକ, ବୈଜ୍ଞାନିକ ଢଙ୍ଗରେ ପ୍ରସ୍ତତ ପାଠ୍ୟ ବହି, ଟେକ୍ନୋଲୋଜି ଆଧାରିତ ପାଠପଢ଼ା, ନିୟମିତ ପରୀକ୍ଷା, ଏଆଇ-ଦ୍ୱାରା ପରିଚାଳିତ ଫଳାଫଳ ସମୀକ୍ଷା ଏବଂ ବ୍ୟକ୍ତିଗତ ମାର୍ଗଦର୍ଶନ ସାମିଲ ରହିଛି, ଯାହା ଛାତ୍ରଛାତ୍ରୀମାନଙ୍କୁ ନିଟ ଭଳି କଠିନ ପ୍ରତିଯୋଗିତାମୂଳକ ପରୀକ୍ଷାରେ ଉତ୍ତୀର୍ଣ୍ଣ ହେବାରେ ସହାୟକ ହେଉଛି। ଏହାର ବ୍ୟାପକ ସେଣ୍ଟର ନେଟୱର୍କ ଏବଂ ଡିଜିଟାଲ୍ ଲର୍ଣ୍ଣିଂ ପ୍ଲାଟଫର୍ମ ଜରିଆରେ ଏଇଏସଏଲ ପ୍ରତିବର୍ଷ ଲକ୍ଷ ଲକ୍ଷ ଆଶାୟୀ ଛାତ୍ରଛାତ୍ରୀଙ୍କୁ ମାର୍ଗଦର୍ଶନ ଏବଂ ପ୍ରେରଣା ଯୋଗାଇ ନିଜର ସଫଳ ଯାତ୍ରା ଜାରି ରଖିଛି।
