ବେଙ୍ଗାଲୁରୁ, ଭାରତ, ୨୦ ଅଗଷ୍ଟ ୨୦୨୬: ଭାରତ ଓ ଦୁବାଇ ମଧ୍ୟରେ କାରୋବାର, ଆଞ୍ଚଳିକ ନିବେଶ ଏବଂ ଏଜେଂଟିକ ଏଆଇ କ୍ଷେତ୍ରରେ ଦ୍ୱିପାକ୍ଷିକ ସହଯୋଗକୁ ଏକ ନୂତନ ଶିଖରକୁ ନେବା ପାଇଁ ବେଙ୍ଗାଲୁରୁଠାରେ ଦୁବାଇ ଚାମ୍ବର୍ସ ପକ୍ଷରୁ ଦୁଇଟି ପ୍ରମୁଖ ଏମ୍ଓୟୁ ସ୍ୱାକ୍ଷର କରାଯାଇଛି। ଏହି ସହଭାଗିତା ନାସ୍କମ ଏବଂ ଫେଡେରେଶନ ଅଫ୍ କର୍ଣ୍ନାଟକ ଚାମ୍ବର୍ସ ଅଫ୍ କମର୍ସ ଆଣ୍ଡ ଇଣ୍ଡଷ୍ଟ୍ରୀ ସହିତ ସମ୍ପାଦିତ ହୋଇଛି। ଏହି ପରିଦର୍ଶନ କାଳରେ ଦୁବାଇ ଚାମ୍ବର୍ସର ଅଧ୍ୟକ୍ଷ ତଥା ସିଇଓ ଏଚ.ଇ. ମହମ୍ମଦ ଅଲୀ ରାସେଦ ଲୁତାହଙ୍କ ନେତୃତ୍ୱରେ ଆସିଥିବା ଏକ ବ୍ୟବସାୟିକ ପ୍ରତିନିଧିଦଳ ଭାରତର ଶୀର୍ଷ ଉଦ୍ୟୋଗୀ ଓ ବହୁରାଷ୍ଟ୍ରୀୟ କମ୍ପାନୀଗୁଡ଼ିକ ସହ ୮ଟି ସ୍ବଚ୍ଛାସେବୀ ବୈଠକ କରିଥିଲେ। ଏଥିସହିତ ନାସ୍କମ୍ ଡୀପଟେକ୍, ସିଆଇଆଇ କର୍ଣ୍ନାଟକ, ଏଫକେସିସିଆଇ ଏବଂ ଏଫଆଇସିସିଆଇ କର୍ଣ୍ନାଟକ ସହ ବ୍ୟାପକ ଆଲୋଚନା ସମ୍ପନ୍ନ ହୋଇଥିଲା।
ନାସ୍କମ ସହ ସ୍ୱାକ୍ଷରିତ ଏମଓୟୁ ମାଧ୍ୟମରେ ଏଜେଂଟିକ ଏଆଇ ଏବଂ ଡୀପଟେକ କ୍ଷେତ୍ରରେ ବିଜ୍ଞାନ ଓ ବୈଷୟିକ ଜ୍ଞାନକୌଶଳର ବ୍ୟବହାର ପାଇଁ ଏକ ଦୃଢ଼ ଢାଞ୍ଚା ପ୍ରସ୍ତୁତ କରାଯାଇଛି। ଏହା ଦୁବାଇରେ ବ୍ୟବସାୟ ପ୍ରତିଷ୍ଠା ଓ ବିସ୍ତାର କରିବାକୁ ଚାହୁଁଥିବା ଭାରତୀୟ ସଂସ୍ଥାଗୁଡ଼ିକୁ ବୈଶ୍ୱିକ ବଜାରରେ ପ୍ରବେଶ ଅଧିକାର ଦେବାରେ ସାହାଯ୍ୟ କରିବ। ଏହି କାର୍ଯ୍ୟକ୍ରମ ସୂଚନା ଆଦାନପ୍ରଦାନ, ଉଦ୍ଭାବନ, ବି୨ବି ବୈଠକ, ନେଟୱର୍କିଂ ଏବଂ ଏଆଇ-କେନ୍ଦ୍ରିତ ପ୍ରତିନିଧିମଣ୍ଡଳୀ ଆୟୋଜନକୁ ପ୍ରୋତ୍ସାହିତ କରିବ। ଏହା ମେ’ ୨୦୨୬ରେ ଲଞ୍ଚ ହୋଇଥିବା ଦୁଇ ବର୍ଷିଆ ଅଭିଯାନ ସହ ମିଶି ଦୁବାଇର ଘରୋଇ କ୍ଷେତ୍ରରେ ଏଜେଂଟିକ ଏଆଇର ପ୍ରସାର କରିବ ଏବଂ ଦୁବାଇକୁ ଆଡ୍ଭାନ୍ସଡ ଟେକ୍ନୋଲୋଜିର ବିଶ୍ୱ ସ୍ତରୀୟ ହବ୍ ଭାବେ ଗଢ଼ିତୋଳିବ।
ଦୁବାଇ ଚାମ୍ବର୍ସର ଅଧ୍ୟକ୍ଷ ଓ ସିଇଓ ଏଚ.ଇ. ମହମ୍ମଦ ଅଲୀ ରାସେଦ ଲୁତାହ ବ୍ୟକ୍ତ କରିଛନ୍ତି ଯେ, ଭାରତୀୟ ଉଦ୍ୟୋଗଗୁଡ଼ିକ ଦୁବାଇର ଅର୍ଥନୈତିକ ସମୃଦ୍ଧିର ଅନ୍ୟତମ ମୁଖ୍ୟ ସହଯୋଗୀ ଏବଂ ସେଠାକାର ସବୁଠାରୁ ବଡ଼ ପ୍ରବାସୀ ବ୍ୟବସାୟିକ ଗୋଷ୍ଠୀ। ଦୁବାଇରେ ଏଜେଂଟିକ ଏଆଇ ଗ୍ରହଣୀୟତା ବୃଦ୍ଧି ପାଉଥିବାରୁ ଏହା ଭାରତୀୟ ଟେକ୍ନୋଲୋଜି ସଂସ୍ଥା, ବିଶେଷଜ୍ଞ ଓ ଉଦ୍ଭାବକଙ୍କ ପାଇଁ ନୂତନ ସୁଯୋଗ ସୃଷ୍ଟି କରୁଛି। ଅପରପକ୍ଷରେ, ଏଫକେସିସିଆଇ ସହ ଚୁକ୍ତି ଦୁବାଇ ଓ କର୍ଣ୍ନାଟକ ମଧ୍ୟରେ ବାଣିଜ୍ୟିକ କାରବାରକୁ ସୁଗମ କରିବା ସହ ‘ଭର୍ଚୁଆଲ ଦୁବାଇ ଡେସ୍କ’ ସ୍ଥାପନ କରିବା, ନିୟମିତ କାର୍ଯ୍ୟକ୍ରମ ଆୟୋଜନ ଏବଂ ପ୍ରତିନିଧିମଣ୍ଡଳୀ ଆଦାନପ୍ରଦାନକୁ ପ୍ରୋତ୍ସାହିତ କରିବ।
ଗଣନା ଅନୁସାରେ, ଜୁନ ୨୦୨୬ ଶେଷ ସୁଦ୍ଧା ୮୫,୮୪୧ଟି ଭାରତୀୟ କମ୍ପାନୀ ଦୁବାଇ ଚାମ୍ବର ଅଫ୍ କମର୍ସର ସକ୍ରିୟ ସଦସ୍ୟ ଭାବେ ସାମିଲ ଅଛନ୍ତି, ଯାହା ବାର୍ଷିକ ୧୫% ଅଭିବୃଦ୍ଧି ଦର୍ଶାଉଛି। କେବଳ ୨୦୨୬ର ପ୍ରଥମ ୬ ମାସରେ ୭,୫୭୯ଟି ନୂତନ ଭାରତୀୟ କମ୍ପାନୀ ପଞ୍ଜୀକୃତ ହୋଇଛନ୍ତି। ନିବେଶ କ୍ଷେତ୍ରରେ, ଦୁବାଇରେ ଭାରତୀୟ ଏଫଡିଆଇ ୨୦୨୫ ସୁଦ୍ଧା ୨.୨୮ ବିଲିୟନ ଡଲାରରେ ପହଞ୍ଚିଥିବା ବେଳେ ୨୦୧୬ରୁ ୨୦୨୫ ମଧ୍ୟରେ ଦୁବାଇ, ଭାରତରେ ୧୪୭ଟି ପ୍ରକଳ୍ପରେ ୯.୩ ବିଲିୟନ ଡଲାର ନିବେଶ କରି ୫୫,୨୭୪ଟି ନିଯୁକ୍ତି ସୃଷ୍ଟି କରିଛି। ଏହି ପରିଦର୍ଶନ ଅବସରରେ ୪ଟି ବ୍ୟବସାୟ ପ୍ରତିଷ୍ଠାନର ସଦସ୍ୟଙ୍କ ପାଇଁ ଏକ ବିଶେଷ ଗୋଲଟେବୁଲ ଆଲୋଚନା ମଧ୍ୟ ଅନୁଷ୍ଠିତ ହୋଇଥିଲା। ଭାରତୀୟ ବ୍ୟବସାୟୀଙ୍କୁ ସହାୟତା କରିବା ପାଇଁ ଦୁବାଇ ଇଣ୍ଟରନ୍ୟାସନାଲ ଚାମ୍ବର ଦ୍ୱାରା ମୁମ୍ବାଇ ଓ ବେଙ୍ଗାଲୁରୁରେ ଦୁଇଟି ପ୍ରତିନିଧି କାର୍ଯ୍ୟାଳୟ ସଫଳତାର ସହ ପରିଚାଳିତ ହେଉଛି।
