ନୂଆଦିଲ୍ଲୀ, ୨୯ ସେପ୍ଟେମ୍ବର ୨୦୨୬: ଭାରତୀୟ ଯାତ୍ରୀମାନଙ୍କ ପାଇଁ ଏକ ଯାତ୍ରା ଯୋଜନା କରିବା ଅର୍ଥ କେବେ ବୁକିଂ କରିବେ ତାହା ସାବଧାନତାର ସହିତ ଚିନ୍ତା କରିବା: ଭଡ଼ା ଉପରେ ନଜର ରଖିବା, ବୁକିଂ କରିବେ ନା ଅପେକ୍ଷା କରିବେ ତାହା ହିସାବ କରିବା ଏବଂ ବୁକିଂ ନିଶ୍ଚିତ ହେବା ପରେ ଭଡ଼ା କମି ଯାଇପାରେ କି ନାହିଁ ତାହାକୁ ନେଇ ପ୍ରାୟତଃ ସନ୍ଦେହରେ ରହିବା ହୋଇଥାଏ। ଭଡ଼ାକୁ ନେଇ ଏହି ଦ୍ୱନ୍ଦକୁ ଦୂର କରିବା ପାଇଁ ମେକମାଇଟ୍ରିପର ନୂତନ ଭାବେ ଆରମ୍ଭ ହୋଇଥିବା ପ୍ରାଇସ ଡ୍ରପ ପ୍ରୋଟେକ୍ସନର ବିଶେଷତ୍ୱ ଯାତ୍ରୀ ବୁକିଂ କରି ସାରିବା ପରେ ଯଦି ବିମାନ ଭଡ଼ା କମିଯାଏ ତେବେ ସେହି ପାର୍ଥକ୍ୟରାଶି ଫେରସ୍ତ କରିଥାଏ। ଏହି ବିଶେଷ ବ୍ୟବସ୍ଥା ସାହାଯ୍ୟରେ ଯାତ୍ରୀମାନେ ଆତ୍ମବିଶ୍ୱାସର ସହିତ ଆଗୁଆ ବୁକିଂ କରିପାରିବେ, କାରଣ ସେମାନେ ଜାଣନ୍ତି ଯେ ଛାଡ଼ିବା ପୂର୍ବରୁ କମ୍ ଭଡ଼ା ଉପଲବ୍ଧ ହେଲେ ସେମାନେ ଏହାର ଲାଭ ପାଇବେ। ପ୍ରାଇସ ଡ୍ରପ ପ୍ରୋଟେକ୍ସନ ବିମାନ ଭଡ଼ାରେ ଯେ କୌଣସି ହ୍ରାସ ହେଲେ ତାର ପାର୍ଥକ୍ୟ ରାଶି ଫେରସ୍ତ କରିଥାଏ, ଯାହା ଦ୍ୱାରା ଯାତ୍ରୀମାନେ ଦୃଢ଼ତାର ସହିତ ଆଗୁଆ ବୁକିଂ କରିବା ସହ ଯୋଜନା କରିବାକୁ ଉତ୍ସାହିତ ହେବେ। ଏହା ଘରେଇ ଏବଂ ଆନ୍ତର୍ଜାତୀୟ, ଗୋଟିଏ ପଟ ଏବଂ ରାଉଣ୍ଡ-ଟ୍ରିପ ବୁକିଂ ପାଇଁ ଉପଲବ୍ଧ।
ଭାରତୀୟ ଯାତ୍ରୀମାନଙ୍କର ସାବଧାନତାର ସହିତ ଚିନ୍ତା କରିବାର ଏହି ଅଭ୍ୟାସ ସେମାନଙ୍କ ବୁକିଂ ବ୍ୟବହାରରୁ ସ୍ପଷ୍ଟ ଜଣାପଡ଼ିଥାଏ। ସେମାନେ ଶେଷରେ ବୁକିଂ କରିବା ପୂର୍ବରୁ ସମାନ ବିମାନର ଭଡ଼ାକୁ ଏକାଧିକ ଥର ଖୋଜିଥାନ୍ତି ଏବଂ ଯେତେବେଳେ ସେମାନେ ଶେଷରେ ବୁକିଂ କରନ୍ତି, ତାହା ପ୍ରାୟତଃ ଯାତ୍ରା ତାରିଖର ନିକଟତର ସମୟରେ ହୋଇଥାଏ। ଯାତ୍ରୀମାନେ ବାରମ୍ବାର ଭଡ଼ା ଯାଞ୍ଚ କରନ୍ତି କାରଣ ଯାତ୍ରା ଯୋଜନା ନିଶ୍ଚିତ ହେଉଥାଏ; ବ୍ୟକ୍ତିଗତ ଏବଂ କାର୍ଯ୍ୟାଳୟର ପ୍ରତିଶ୍ରୁତି ବଦଳି ଥାଏ ଏବଂ ସର୍ବୋତ୍ତମ ସମ୍ଭାବ୍ୟ ଭଡ଼ା ପାଇବା ପାଇଁ ଏକ କ୍ରମାଗତ ଆଗ୍ରହ ଥାଏ। ଏହି କାରଣରୁ ହିଁ ଦୀର୍ଘ ସମୟ ଧରି ଖୋଜିବା ଏବଂ ବିଳମ୍ବରେ ବୁକିଂ କରିବାର ପ୍ରବୃତ୍ତି ସେମାନଙ୍କ ଠାରେ ଦେଖାଦେଇଥାଏ। ପ୍ରାଇସ ଡ୍ରପ ପ୍ରୋଟେକ୍ସନ ଏହି ଅନିଶ୍ଚିତତାକୁ କମ୍ କରିବା ଏବଂ ଯାତ୍ରୀମାନଙ୍କୁ ଆଗୁଆ ଯୋଜନା କରିବାକୁ ଉତ୍ସାହିତ କରିବା ପାଇଁ ଡିଜାଇନ୍ କରାଯାଇଛି।
ଏହି ବିଶେଷତ୍ୱଟି ଘରେଇ ଏବଂ ଆନ୍ତର୍ଜାତୀୟ ବିମାନ ପାଇଁ ଗୋଟିଏ ପଟ ଏବଂ ରାଉଣ୍ଡ-ଟ୍ରିପ ବୁକିଂକୁ କଭର କରିଥାଏ। ଯାତ୍ରୀମାନେ ବୁକିଂ ସମୟରେ ପ୍ରାଇସ ଡ୍ରପ ପ୍ରୋଟେକ୍ସନ ଉପରେ କ୍ଲିକ୍ କରି ଏହାର ଚୟନ କରିପାରିବେ, ଯାହାର ମୂଲ୍ୟ ଘରେଇ ବିମାନ ପାଇଁ ବ୍ୟକ୍ତିଗତ ପିଛା ୨୨୯ ଟଙ୍କାରୁ ଏବଂ ଆନ୍ତର୍ଜାତୀୟ ବିମାନ ପାଇଁ ବ୍ୟକ୍ତିଗତ ପିଛା ୩୪୯ ଟଙ୍କାରୁ ଆରମ୍ଭ ହୋଇଥାଏ। ପରୀକ୍ଷଣ ପର୍ଯ୍ୟାୟରେ ଏହାର ଶୁଭାରମ୍ଭ ପରଠାରୁ, ଏହା ଯାତ୍ରୀମାନଙ୍କ ମଧ୍ୟରେ ଲୋକପ୍ରିୟତା ହାସଲ କରିବା ପାଇଁ ବିକଶିତ ହୋଇଛି। ଏହାକୁ ଚୟନ କରିଥିବା ଯାତ୍ରୀମାନଙ୍କ ମଧ୍ୟରୁ ଏକ ଉତ୍ସାହଜନକ ଭାଗ ଉଭୟ ଘରେଇ ଏବଂ ଆନ୍ତର୍ଜାତୀୟ ବିମାନରେ ମୂଲ୍ୟ ହ୍ରାସ ଦେଖିବାକୁ ପାଇଛନ୍ତି ଯାହା ସୂଚିତ କରିଥାଏ ଯେ ବୁକିଂ ସମୟରେ ଅଧିକ ଆଶ୍ୱାସନା ଚାହୁଁଥିବା ଯାତ୍ରୀମାନଙ୍କ ମଧ୍ୟରେ ଏହି ବିଶେଷତ୍ୱଟି ଆଦୃତ ହେଉଛି।
ମେକମାଇଟ୍ରିପର ଫ୍ଲାଇଟ, କୋର୍ପୋରେଟ, ଜିସିସି ଏବଂ ମାର୍କେଟିଂ ର ସିଓଓ ରାଜ ରିଷି ସିଂ କହିଛନ୍ତି, “ଯାତ୍ରୀମାନଙ୍କୁ ଆଗୁଆ ବୁକିଂ କରିବା ଏବଂ ପରେ ଭଡ଼ା କମିଯିବାର ଚିନ୍ତା ମଧ୍ୟରୁ ଗୋଟିଏକୁ ବାଛିବାକୁ ପଡ଼ିବ ନାହିଁ। ପ୍ରାଇସ ଡ୍ରପ ପ୍ରୋଟେକ୍ସନ ସେମାନଙ୍କୁ ନିଜ ସୁବିଧା ଅନୁସାରେ ବୁକିଂ କରିବାର ସୁଯୋଗ ଦିଏ, ଏହି ଆଶ୍ୱାସନା ସହିତ ଯେ ଯଦି ଭଡ଼ା କମିଯାଏ, ତେବେ ସେମାନେ ସୁରକ୍ଷିତ ଅଛନ୍ତି। ଯାତ୍ରା ଯୋଜନା କରିବା ସମୟରେ ଅଧିକ ନମନୀୟତା ଏବଂ ମାନସିକ ଶାନ୍ତି ପ୍ରଦାନ କରିବାର ଏହା ଏକ ସରଳ ଉପାୟ।”
ଭଡ଼ାର ପାର୍ଥକ୍ୟ ଉପରେ ସର୍ବାଧିକ ଫେରସ୍ତ ଘରେଇ ବିମାନ ପାଇଁ ବ୍ୟକ୍ତିଗତ ପିଛା ୨,୫୦୦ ଟଙ୍କା ଏବଂ ଆନ୍ତର୍ଜାତୀୟ ବିମାନ ପାଇଁ ବ୍ୟକ୍ତିଗତ ପିଛା ୩,୦୦୦ ଟଙ୍କା ଅଟେ। ଏହି ବିଶେଷତ୍ୱଟି ବୁକିଂ ସମୟରୁ ଆରମ୍ଭ କରି ପ୍ରସ୍ଥାନର ୬ ଘଣ୍ଟା ପୂର୍ବ ପର୍ଯ୍ୟନ୍ତ ହେଉଥିବା ମୂଲ୍ୟ ହ୍ରାସକୁ କଭର କରିଥାଏ। ଯଦି ଏହି ସମୟ ମଧ୍ୟରେ ଭଡ଼ା କମିଯାଏ ମେକମାଇଟ୍ରିପ ସିଧାସଳଖ ଯାତ୍ରୀଙ୍କୁ ଜଣାଇଥାଏ। ଫେରସ୍ତରାଶି ଯାତ୍ରୀଙ୍କ ମୂଳ ପେମେଣ୍ଟ ମୋଡ୍କୁ କ୍ରେଡିଟ୍ କରିଦିଆଯାଏ। ପ୍ରାଇସ ଡ୍ରପ ପ୍ରୋଟେକ୍ସନ ମେକମାଇଟ୍ରିପର ରହିଥିବା ଫ୍ଲାଇଟ ସୁନିଶ୍ଚିତତା ସୁଟ୍ରେ ସାମିଲ ହୋଇଛି, ଯେଉଁଥିରେ ଜିରୋ କ୍ୟାନ୍ସଲେସନ ଏବଂ ଫ୍ରି ଡେଟ ଚେଞ୍ଜ ଅନ୍ତର୍ଭୁକ୍ତ। ଏଭଳି ଶୁଭାରମ୍ଭ ସହିତ, ଏହି ସୁଟ୍ ଏବେ କେବଳ ରଦ୍ଦ ଏବଂ ସିଡ୍ୟୁଲ ପରିବର୍ତ୍ତନ ମଧ୍ୟରେ ସୀମିତ ନ ରହି ବୁକିଂ ପରବର୍ତ୍ତୀ ମୂଲ୍ୟରେ ହେଉଥିବା ପରିବର୍ତ୍ତନକୁ ମଧ୍ୟ କଭର କରୁଛି।
