କୋଲକାତା, ୨୯ ସେପ୍ଟେମ୍ବର: ଦୂର୍ଗାପୂଜା ଉପଲକ୍ଷେ ଭାରତର ଅନ୍ୟତମ ପ୍ରସିଦ୍ଧ ଫ୍ୟାଶନ୍, ବିୟୁଟି ଓ ଲାଇଫଷ୍ଟାଇଲ୍ ପ୍ଲାଟଫର୍ମ ‘ମିନ୍ତ୍ରା’ ନିଜର ଆକର୍ଷଣୀୟ ‘ବିଗ୍ ଫ୍ୟାଶନ୍ ଫେଷ୍ଟିଭାଲ୍’ (ବିଏଫ୍ଏଫ୍) କ୍ୟାମ୍ପେନ୍ର ଘୋଷଣା କରିଛି। ବଲିଉଡ୍ ତାରକା ରଣବୀର କପୁର ଓ ଆଲିଆ ଭଟ୍ଟଙ୍କ ନେତୃତ୍ୱରେ ଗଢ଼ାଯାଇଥିବା ଏହି ସ୍ୱତନ୍ତ୍ର କ୍ୟାମ୍ପେନ୍ ଗ୍ରାହକଙ୍କ ପାଇଁ ଏକ ନୂଆ ପୂଜା ଶପିଂ ଅନୁଭୂତି ନେଇ ଆସିଛି। ‘ଯେକୌଣସି ମୁହୂର୍ତ୍ତ ନିଜର ଫେଷ୍ଟିଭ୍ ୱାର୍ଡରୋବକୁ ସତେଜ କରିବା ପାଇଁ ଏକ ସୁଯୋଗ ହୋଇପାରେ’ ଏହି ମଜାଦାର କନ୍ସେପ୍ଟ ଉପରେ ଆଧାରିତ ପ୍ରଚାର ଫିଲ୍ମଗୁଡ଼ିକରେ ପାରମ୍ପରିକ ଉତ୍ସବ, ସାଂସ୍କୃତିକ ଭାବନା ଏବଂ ଫ୍ୟାଶନ୍-ବିୟୁଟି ଶୈଳୀର ଏକ ଆକର୍ଷଣୀୟ ସଙ୍ଗମ ଦେଖିବାକୁ ମିଳିଛି।
ମୁଖ୍ୟ ବିଏଫ୍ଏଫ୍ ପୂର୍ବରୁ ଗ୍ରାହକଙ୍କ ପାଇଁ ପୂଜା ସେଲ୍କୁ ସମ୍ପୂର୍ଣ୍ଣ ଲାଇଭ୍ କରାଯାଇଛି, ଯାହା ପୂର୍ବ ଭାରତର ଶପରମାନଙ୍କୁ ସର୍ବୋତ୍ତମ ପାର୍ବଣ ଫ୍ୟାଶନ୍ ବିକଳ୍ପ ଯୋଗାଇ ଦେଉଛି। ପୂର୍ବ ଭାରତୀୟ ଗ୍ରାହକଙ୍କ ସ୍ୱତନ୍ତ୍ର ଫ୍ୟାଶନ୍ ପସନ୍ଦକୁ ଦୃଷ୍ଟିରେ ରଖି ପ୍ରସ୍ତୁତ ଏହି ସେଲ୍ ଆଞ୍ଚଳିକ ବ୍ରାଣ୍ଡ୍ ଓ ସେଲରମାନଙ୍କୁ ସେମାନଙ୍କ କ୍ରେତାଙ୍କ ସହ ସୀଧାସଳଖ ଯୋଡ଼ିବାର ନୂତନ ପନ୍ଥା ଖୋଲିଛି। ଗତ ଗୋଟିଏ ବର୍ଷରେ ପାର୍ବଣ ସିଲେକ୍ସନ୍ରେ ୭୫% ଅଭିବୃଦ୍ଧି ସହ ଏହି ଶପିଂ ମହୋତ୍ସବରେ ଚଳିତ ବର୍ଷ ମେନ୍ସୱେୟାର, ୱମେନ୍ସୱେୟାର, କିଡ୍ସୱେୟାର, ବିୟୁଟି, ଫୁଟୱେୟାର, ଆକ୍ସେସରିଜ୍ ଓ ହୋମ୍ ବର୍ଗରେ ୮.୬ ଲକ୍ଷରୁ ଅଧିକ ଷ୍ଟାଇଲ୍ ଉପଲବ୍ଧ କରାଯାଇଛି, ଯାହା ଗ୍ରାହକଙ୍କୁ ବିଶାଳ ପସନ୍ଦର ସୁଯୋଗ ଦେଉଛି।
ଏହି ସ୍ୱତନ୍ତ୍ର ପୂଜା ଇଭେଣ୍ଟରେ ବଳରାମ ଶାହା, ଆଦ୍ୟ ଅକ୍ଷୟ ଆଣ୍ଡ କୋ., ଇଣ୍ଡିଆନ୍ ସିଲ୍କ ହାଉସ୍ ଓ ଆଦି ମୋହିନୀ ମୋହନ କାଞ୍ଜିଲାଲ୍ଙ୍କ ଭଳି ୨୦୦ରୁ ଅଧିକ ପ୍ରମୁଖ ଆଞ୍ଚଳିକ ବ୍ରାଣ୍ଡ୍ ସାମିଲ ହୋଇଛନ୍ତି। ଏଥିରେ ଜାମଦାନୀ, ଲାଲପାଡ଼ ଓ ବାଲୁଚାରୀ ଭଳି ପାରମ୍ପରିକ ହସ୍ତଶିଳ୍ପ ଶାଢ଼ୀ ଉପରେ ବିଶେଷ ଆଲୋକପାତ କରାଯାଉଛି। ଏହାସହିତ ଅଲ୍ପନା ଆର୍ଚିଭ୍, ଧୁନୁଚି ଟେଲ୍ସ ଏବଂ ବଙ୍ଗ ଚିକ୍ସ ଭଳି ସ୍ୱସଜ୍ଜିତ ସଂଗ୍ରହ ମାଧ୍ୟମରେ ଆଞ୍ଚଳିକ ସଂସ୍କୃତି ଓ ଆଧୁନିକ ଫ୍ୟାଶନର ସୁନ୍ଦର ମିଶ୍ରଣ କରାଯାଇଛି। ପଶ୍ଚିମବଙ୍ଗର ୧୭୦୦ରୁ ଅଧିକ ବ୍ରାଣ୍ଡ୍ ମିନ୍ତ୍ରାରେ ଉପଲବ୍ଧ ଥିବା ବେଳେ ଏହି ପ୍ଲାଟଫର୍ମ ଫୁଲିଆ, ଶାନ୍ତିପୁର, ଧନିଆଖାଲି ଓ ବିଷ୍ଣୁପୁର ଭଳି ବୟନ ଶିଳ୍ପ କ୍ଲଷ୍ଟରଗୁଡ଼ିକୁ ଡିଜିଟାଲ୍ ପହଞ୍ଚି ପ୍ରଦାନ କରୁଛି। ଫଳରେ ତନ୍ତ ଶାଢ଼ୀ, ବିଷ୍ଣୁପୁରୀ ସିଲ୍କ ଓ ଢାକାଇ ଜାମଦାନୀ ଭଳି ପାରମ୍ପରିକ ସୃଷ୍ଟି ଜାତୀୟ ଡିଜିଟାଲ୍ କମର୍ସ ମାନଚିତ୍ରରେ ପହଞ୍ଚିପାରୁଛି।
ପେଣ୍ଡାଲ୍ ବୁଲିବା, ପାରମ୍ପରିକ ପୋଷାକ ପିନ୍ଧିବା, ସୌନ୍ଦର୍ଯ୍ୟ ସଜବାଜ ଓ ସ୍ୱତନ୍ତ୍ର ପୂଜା ଆୟୋଜନ ଭଳି ପ୍ରତ୍ୟେକଟି ମୁହୂର୍ତ୍ତକୁ କ୍ୟାମ୍ପେନ୍ ଫିଲ୍ମଗୁଡ଼ିକରେ ଜୀବନ୍ତ ଭାବେ ଉପସ୍ଥାପନ କରାଯାଇଛି। ପ୍ରତ୍ୟେକ ଫିଲ୍ମ ଏକ ସାଧାରଣ ଦୈନନ୍ଦିନ ଘଟଣାରୁ ଆରମ୍ଭ ହୋଇ ନୂଆ ପୋଷାକ କିଣିବାର ଏକ ଆକର୍ଷଣୀୟ କାରଣରେ ଶେଷ ହୋଇଥାଏ। ଏହି କ୍ୟାମ୍ପେନ୍ ସମ୍ପର୍କରେ ମିନ୍ତ୍ରାର ବ୍ରାଣ୍ଡ୍ ମାର୍କେଟିଂ ବିଭାଗର ବରିଷ୍ଠ ନିର୍ଦ୍ଦେଶକ ନେହା ଗୁଲାଟି କହିଛନ୍ତି ଯେ, ଏହା ଗ୍ରାହକମାନଙ୍କୁ ଉତ୍ସବର ଆନନ୍ଦ ସହ ଶ୍ରେଷ୍ଠ ଫ୍ୟାଶନ୍ ବିକଳ୍ପ ସହଜରେ ଯୋଗାଇବାରେ ସାହାଯ୍ୟ କରିବ।
