ପୁରୀ, ୯ ଅଗଷ୍ଟ ୨୦୨୬: ପୁରୀର ପବିତ୍ର ରଥ ଯାତ୍ରା ଅବସରରେ ଆଇଟିସିର ପ୍ରମୁଖ ବ୍ରାଣ୍ଡ୍ ଆଶୀର୍ବାଦ ଅଟ୍ଟା ପକ୍ଷରୁ ‘ଗୁଣାତ୍ମକ ପରମ୍ପରା’ ନାମକ ଏକ ସ୍ୱତନ୍ତ୍ର ସାଂସ୍କୃତିକ ଓ ବ୍ରାଣ୍ଡ୍ ପ୍ରଚାର ଅଭିଯାନର ସଫଳ ସମାପନ ଘଟିଛି । ରଥ ନିର୍ମାଣର ପୁରାତନ କାରିଗରୀ କଳାକୁ ଉଜ୍ଜୀବିତ କରିବା ଏବଂ ଶ୍ରଦ୍ଧାଳୁମାନଙ୍କୁ ଏହାର ଏକ ଜୀବନ୍ତ ଅନୁଭୂତି ପ୍ରଦାନ କରିବା ଲକ୍ଷ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ୧୩,୭୫୦ରୁ ଅଧିକ ଭକ୍ତ ସିଧାସଳଖ ଭାଗ ନେଇଥିଲେ । ଏହାସହ ଶତାବ୍ଦୀ ଶତାବ୍ଦୀ ଧରି ରଥ ନିର୍ମାଣ ସେବାରେ ଉତ୍ସର୍ଗୀକୃତ ବିଶ୍ୱକର୍ମା ମହାରଣା ସମୁଦାୟଙ୍କ ନିରଳସ ସେବା ଓ ନିଖୁଣ କାରିଗରୀକୁ ବ୍ରାଣ୍ଡ୍ ପକ୍ଷରୁ ଗଭୀର ସମ୍ମାନ ଜଣାଯାଇଛି ।
ଏହି ବିଶେଷ ସଂସ୍ଥାପନାର ମୁଖ୍ୟ ଆକର୍ଷଣ ଥିଲା ଏକ ବିଶାଳ ୩୬୦-ଡିଗ୍ରୀ ଗୋଲାର୍ଦ୍ଧ ଆକୃତିର ଗମ୍ବୁଜ, ଯେଉଁଥିରେ ପାରମ୍ପରିକ ପଥର ଚକ୍କି, ରଥ ଚକ ଏବଂ ଆଧୁନିକ ସେନ୍ସର-ଆଧାରିତ ପ୍ରଯୁକ୍ତିବିଦ୍ୟାର ନିଖୁଣ ସଂଯୋଗ କରାଯାଇଥିଲା । ସାନ ସାନ ଦଳରେ ବିଭକ୍ତ ହୋଇ ଭକ୍ତଗଣ ୨୧୦ ସେକେଣ୍ଡର ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ପଥର ଚକ୍କିଗୁଡ଼ିକୁ ସାମୂହିକ ଭାବେ ଘୂରାଇଥିଲେ, ଯାହା ଡିଜିଟାଲ୍ ପରଦାରେ ରଥ ନିର୍ମାଣର କାହାଣୀ, ମହାରଣାମାନଙ୍କ ଶ୍ରେଷ୍ଠ କାରିଗରୀ ଏବଂ ବଡ଼ଦାଣ୍ଡରେ ଶ୍ରୀଜୀଉଙ୍କ ଭାବପୂର୍ଣ୍ଣ ଆଧ୍ୟାତ୍ମିକ ଯାତ୍ରାକୁ ଜୀବନ୍ତ କରିତୋଳିଥିଲା । ପ୍ରଦର୍ଶନୀର ଶେଷ ଭାଗରେ “ଜୟ ଜଗନ୍ନାଥ” ଧ୍ୱନି ମଧ୍ୟରେ ସମସ୍ତ ଶ୍ରଦ୍ଧାଳୁ ମହାପ୍ରଭୁଙ୍କ ନୈସର୍ଗିକ ଚକ୍ଷୁ ଦର୍ଶନର ଆଧ୍ୟାତ୍ମିକ ସୁଯୋଗ ଲାଭ କରିଥିଲେ ।
ନିଖୁଣତା, ଯତ୍ନ ଏବଂ ଶ୍ରେଷ୍ଠତା ପ୍ରତି ଆଶୀର୍ବାଦ ଅଟ୍ଟାର ନିରନ୍ତର ପ୍ରତିଶ୍ରୁତି ‘କ୍ୱାଲିଟି କି ଗ୍ୟାରେଣ୍ଟି’ ଏହି କାର୍ଯ୍ୟକ୍ରମର ମୂଳଦୁଆ ଥିଲା । ପବିତ୍ର ରଥ ଚକ ଏବଂ ପାରମ୍ପରିକ ପଥର ଚକ୍କି ମଧ୍ୟରେ ଏକ ଆଧ୍ୟାତ୍ମିକ ଓ ପ୍ରତୀକାତ୍ମକ ସମ୍ପର୍କ ସ୍ଥାପନ କରାଯାଇ ଦର୍ଶାଯାଇଥିଲା ଯେ, କିପରି ଉଭୟ କ୍ଷେତ୍ରରେ ପିଢ଼ି ପରେ ପିଢ଼ି ଉତ୍କର୍ଷ ବଜାୟ ରଖିବା ପାଇଁ ଅତୁଳନୀୟ ଉତ୍ସର୍ଗୀକୃତ ମାନସିକତା ପ୍ରତିଫଳିତ ହୋଇଥାଏ । ଯେପରି ପ୍ରତିଟି ରଥ ଚକ ନିର୍ମାଣରେ ନିଖୁଣତା ବଜାୟ ରଖାଯାଏ, ସେହିପରି ଆଶୀର୍ବାଦ ଅଟ୍ଟାର ପ୍ରତ୍ୟେକ ପ୍ୟାକେଟ୍ ପ୍ରସ୍ତୁତିରେ ଶ୍ରେଷ୍ଠ ଗୁଣବତ୍ତା ଓ ସୁରକ୍ଷା ନିଶ୍ଚିତ କରାଯାଇଥାଏ ।
ଉକ୍ତ ସଂସ୍ଥାପନାରେ ଭାଗ ନେଇଥିବା ଶ୍ରଦ୍ଧାଳୁମାନଙ୍କ ପାଇଁ ହ୍ୱାଟ୍ସଆପ୍ ଜରିଆରେ ଏକ ସ୍ୱତନ୍ତ୍ର ‘କ୍ୱାଲିଟି କି ଗ୍ୟାରେଣ୍ଟି’ ପ୍ରମାଣପତ୍ର ଏବଂ ରଥ ଯାତ୍ରାର ଅଭିନନ୍ଦନ ବାର୍ତ୍ତା ପଠାଯାଇ ସେମାନଙ୍କ ଗ୍ରହଣୀୟତାକୁ ଏକ ସ୍ମରଣୀୟ ଅନୁଭୂତିରେ ପରିଣତ କରାଯାଇଥିଲା । ଅପରପକ୍ଷରେ, ରଥ ନିର୍ମାଣ ପରମ୍ପରାକୁ ବଞ୍ଚାଇ ରଖିଥିବା ବିଶ୍ୱକର୍ମା ମହାରଣା କାରିଗର ଓ ସେମାନଙ୍କ ପରିବାରବର୍ଗଙ୍କ ଅତୁଳନୀୟ ଅବଦାନକୁ ସମ୍ମାନ ଜଣାଇ ଆଶୀର୍ବାଦ ଅଟ୍ଟା ପକ୍ଷରୁ ସେମାନଙ୍କୁ ଏକ ବର୍ଷ ପାଇଁ ନିଶୁଳ୍କ ଅଟ୍ଟା ପ୍ରଦାନ କରାଯାଇଛି ।
ସମଗ୍ର ରଥ ଯାତ୍ରା ସମୟରେ ୮୬,୫୦୦ରୁ ଊର୍ଦ୍ଧ୍ୱ ଭକ୍ତ ଏହି କାର୍ଯ୍ୟକ୍ରମ ସହ ପରୋକ୍ଷ ଓ ପ୍ରତ୍ୟକ୍ଷ ଭାବେ ଯୋଡ଼ିହୋଇଥିବା ବେଳେ ‘ଗୁଣାତ୍ମକ ପରମ୍ପରା’ ଅଭିଯାନ ଆଧୁନିକ ଟେକ୍ନୋଲୋଜି ଓ ଓଡ଼ିଶାର ସମୃଦ୍ଧ ସଂସ୍କୃତିର ଏକ ଅଦ୍ଭୁତ ମିଳନ ସାବ୍ୟସ୍ତ ହୋଇଛି । ଏହି ପ୍ରଚାର ମାଧ୍ୟମରେ ଆଶୀର୍ବାଦ ଅଟ୍ଟା ଓଡ଼ିଶାର ଜନସାଧାରଣ ଓ ଭକ୍ତଙ୍କ ସହ ନିଜର ବିଶ୍ୱାସ ଓ ସାମାଜିକ ସମ୍ପର୍କକୁ ଆହୁରି ସୁଦୃଢ଼ କରିପାରିଛି ।
