ନୂଆଦିଲ୍ଲୀ, ୨୯ ଜୁଲାଇ ୨୦୨୬: ଭାରତର ପ୍ରିମିୟମ୍ କଞ୍ଜ୍ୟୁମର ଲାପ୍ଟପ୍ ବଜାରରେ ଏକ ବଡ଼ ପଦକ୍ଷେପ ନେଇ ଡେଲ୍ ଟେକ୍ନୋଲୋଜିସ୍ ନିଜର ଆଧୁନିକ ଏଆଇ-ପାୱାର୍ଡ ପ୍ରୋଡକ୍ଟ ସିରିଜ୍ର ବିଶ୍ୱସ୍ତରୀୟ ଉନ୍ମୋଚନ କରିଛି। କାର୍ଯ୍ୟକ୍ଷେତ୍ର, ଶିକ୍ଷା, ବିଜନେସ୍ ଏବଂ ହାଇ-ଏଣ୍ଡ୍ ଗେମିଂ କ୍ଷେତ୍ରରେ ଯୁବବର୍ଗ ଓ କ୍ରିଏଟରମାନଙ୍କ ବୃଦ୍ଧିପାଉଥିବା ଚାହିଦାକୁ ପୂରଣ କରିବା ପାଇଁ କମ୍ପାନୀ ନିଜର ଲୋକପ୍ରିୟ ଏକ୍ସପିଏସ୍, ଡେଲ୍ ଏସ୍-ସିରିଜ୍ ଏବଂ ଆଲେନ୍ୱେୟାର୍ ପୋର୍ଟଫୋଲିଓକୁ ସମ୍ପୂର୍ଣ୍ଣ ନୂଆ ଫିଚର ସହ ଉପସ୍ଥାପନ କରିଛି। ଡେଲ୍ର ଗ୍ଲୋବାଲ୍ କଞ୍ଜ୍ୟୁମର ଆଣ୍ଡ ଇକମର୍ସ ବିଭାଗର ବରିଷ୍ଠ ଉପାଧ୍ୟକ୍ଷ କ୍ରିସ୍ କାଉଗର୍ ଏବଂ ଏସିଆ-ପାସିଫିକ୍ ମୁଖ୍ୟ ରାଜ୍ କୁମାର ରିଷି ପ୍ରକାଶ କରିଛନ୍ତି ଯେ ଭାରତୀୟ ଗ୍ରାହକମାନଙ୍କୁ ପ୍ରତ୍ୟେକ ମୂଲ୍ୟ ଶ୍ରେଣୀରେ ସର୍ବୋତ୍ତମ ଓ ସ୍ୱତନ୍ତ୍ର ଇଞ୍ଜିନିୟରିଂ ଟେକ୍ନୋଲୋଜି ଯୋଗାଇଦେବା ଏହି ନୂତନ ଲଞ୍ଚ୍ର ମୁଖ୍ୟ ଲକ୍ଷ୍ୟ।
ଏହି ସିରିଜ୍ର ପ୍ରମୁଖ ଆକର୍ଷଣ ପାଲଟିଛି ‘ନୂଆ ଡେଲ୍ ଏକ୍ସପିଏସ୍ ୧୩’, ଯାହା ମାତ୍ର ୧୨.୭ ଏମ୍ଏମ୍ ପତଳା ଏବଂ ୧ କେଜି ଓଜନ ସହ ଏପର୍ଯ୍ୟନ୍ତ ନିର୍ମିତ ସବୁଠାରୁ ହାଲୁକା ଏକ୍ସପିଏସ୍ ଲାପ୍ଟପ୍। ଏଥିରେ ସିଏନ୍ସି ଆଲୁମିନିୟମ୍ ବଡ଼ି, ୧୭ ଘଣ୍ଟାର ବ୍ୟାଟେରୀ ଲାଇଫ୍, ୩୨ ଜିବି LPDDR5X ମେମୋରୀ, ଇଣ୍ଟେଲ୍ କୋର୍ ସିରିଜ୍ ୩ କିମ୍ବା ଇଣ୍ଟେଲ୍ କୋର୍ ଅଲ୍ଟ୍ରା ସିରିଜ୍ ୩ ପ୍ରୋସେସର, 2.5K InfinityEdge ଟଚ୍ ଡିସପ୍ଲେ (୧୨୦Hz ରିଫ୍ରେସ୍ ରେଟ୍) ଏବଂ Wi-Fi 7 ସୁବିଧା ଦିଆଯାଇଛି, ଯାହାର ପ୍ରାରମ୍ଭିକ ମୂଲ୍ୟ ₹୭୯,୯୯୦ ରଖାଯାଇଛି। ସେହିପରି ଅନ୍-ଡିଭାଇସ୍ ଏଆଇ ଏବଂ Copilot+ PC ସୁବିଧା ସହ ଆସୁଥିବା ‘ଡେଲ୍ ୧୪ଏସ୍’ (ମୂଲ୍ୟ ₹୧,୧୯,୯୯୦) ଏବଂ ‘ଡେଲ୍ ୧୬ଏସ୍’ (ମୂଲ୍ୟ ₹୨,୨୯,୯୯୦) ରେ ୫୦ TOPS ପର୍ଯ୍ୟନ୍ତ NPU, ଇଣ୍ଟେଲ୍ କୋର୍ ଅଲ୍ଟ୍ରା ସିରିଜ୍ ୩ / AMD Ryzen AI 400 ପ୍ରୋସେସର ଏବଂ ନୂତନ OLED ଟଚ୍ ଡିସପ୍ଲେ ସାମିଲ୍ ଅଛି।
ଗେମର୍ମାନଙ୍କ ପାଇଁ କମ୍ପାନୀ ‘ଆଲେନ୍ୱେୟାର୍ ୧୫’ କୁ ଇଣ୍ଟେଲ୍ କୋର୍ ୭ ସିରିଜ୍ ୨ ୨୪୦ଏଚ୍ ପ୍ରୋସେସର, NVIDIA GeForce RTX 5060 ଗ୍ରାଫିକ୍ସ, ୧୬୫Hz WQXGA ଡିସପ୍ଲେ ଏବଂ ଆଡ୍ଭାନ୍ସଡ୍ ଥର୍ମାଲ୍ କୁଲିଂ ସିଷ୍ଟମ୍ ସହ ₹୧,୨୮,୯୯୦ ପ୍ରାରମ୍ଭିକ ମୂଲ୍ୟରେ ଲଞ୍ଚ୍ କରିଛି। ପରିବେଶ ଅନୁକୂଳ ଦିଗକୁ ଧ୍ୟାନରେ ରଖି ଏହି ସମସ୍ତ ଲାପ୍ଟପ୍ରେ ୧୦୦% ରିସାଇକେଲ୍ଡ ମୋଲ୍ଡେଡ୍ ପ୍ୟାକେଜିଂ ବ୍ୟବହାର କରାଯାଇଛି। ଡେଲ୍ ଇଣ୍ଡିଆର କଞ୍ଜ୍ୟୁମର ସେଲ୍ସ ମୁଖ୍ୟ ଅନୁରାଗ ଅରୋରା ଜଣାଇଛନ୍ତି ଯେ ଦେଶର ୪୦୦ ରୁ ଅଧିକ ସହରରେ Dell.com, ଡେଲ୍ ଏକ୍ସକ୍ଲୁସିଭ୍ ଷ୍ଟୋର୍ (DES) ଏବଂ ରିଲାଏନ୍ସ ଡିଜିଟାଲ୍ ସମେତ ଅନ୍ୟ ପ୍ରମୁଖ ରିଟେଲ୍ ଆଉଟ୍ଲେଟ୍ରେ ଏହି ସିରିଜ୍ ଉପଲବ୍ଧ ହେଉଛି, ଯେଉଁଥିରେ ₹୧୦,୦୦୦ ପର୍ଯ୍ୟନ୍ତ କ୍ୟାଶ୍ବ୍ୟାକ୍, ନୋ-କୋଷ୍ଟ EMI ଏବଂ ଆଲେନ୍ୱେୟାର୍ ଗେମିଂ ମୋନିଟର୍ରେ ବିଶେଷ ରିହାତି ଅଫର୍ ମଧ୍ୟ ରହିଛି।
