ନୂଆଦିଲ୍ଲୀ, ୭ ଅକ୍ଟୋବର ୨୦୨୬: ଭାରତର ପ୍ରମୁଖ ଟେଲିକମ୍ ସେବା ପ୍ରଦାନକାରୀ କମ୍ପାନୀ ଭାରତୀ ଏୟାରଟେଲ୍ ନିଜ ଗ୍ରାହକମାନଙ୍କ ପାଇଁ ଏକ ନୂତନ ଏବଂ ଆକର୍ଷଣୀୟ ପୋଷ୍ଟପେଡ୍ ପ୍ଲାନ୍ ସିରିଜ୍ର ଘୋଷଣା କରିଛି। ୮ ଅକ୍ଟୋବର ୨୦୨୬ ରୁ ଲାଗୁ ହେବାକୁ ଥିବା ଏହି ନୂଆ ପ୍ଲାନ୍ଗୁଡ଼ିକରେ ବର୍ତ୍ତମାନର ସମସ୍ତ ନେଟୱାର୍କ ସୁବିଧା ସହିତ ବାର୍ଷିକ ଗୋଟିଏ ଆନ୍ତର୍ଜାତୀୟ ଯାତ୍ରା ପାଇଁ ସମ୍ପୂର୍ଣ୍ଣ ମାଗଣା ରୋମିଂ ସେବା ପ୍ରଦାନ କରାଯାଉଛି। ଏହା ବ୍ୟତୀତ ଗ୍ରାହକମାନଙ୍କୁ ଅନଲିମିଟେଡ୍ ଡାଟା, ୫ଜି ଫାଷ୍ଟ ଲେନ୍ ଟେକ୍ନୋଲୋଜି, ଆଡଭାନ୍ସଡ୍ ନେଟୱାର୍କ ସୁରକ୍ଷା ଏବଂ ପ୍ରିମିୟମ୍ ଓଟିଟି ମନୋରଞ୍ଜନ ସୁବିଧା ମିଳିବ।
ଏହି ମାଗଣା ଆନ୍ତର୍ଜାତୀୟ ରୋମିଂ ଅଫରରେ ୫ ଦିନର ବୈଧତା ସହିତ ୫ ଜିବି ଡାଟା, ୬୦ ମିନିଟ୍ କଲିଂ, ୨୫ ଟି ଆଉଟ୍ଗୋଇଂ ଏସଏମଏସ ଏବଂ ଅସୀମିତ ମାଗଣା ଇନ୍କମିଂ SMS ସୁବିଧା ସାମିଲ ରହିଛି। ବିଦେଶ ଯାତ୍ରା ସମୟରେ ଗ୍ରାହକମାନେ ନିଜ ସୁବିଧାନୁସାରେ ଯେକୌଣସି ସମୟରେ ଏହି ୫-ଦିନିଆ ରୋମିଂ ପ୍ୟାକ୍କୁ ଆକ୍ଟିଭେଟ୍ କରିପାରିବେ। ଏୟାରଟେଲ୍ ପୋଷ୍ଟପେଡ୍ ଫ୍ୟାମିଲି ପ୍ଲାନ୍ ବ୍ୟବହାର କରୁଥିବା ପରିବାରଗୁଡ଼ିକ ପାଇଁ ଏହି ସୁବିଧା ପ୍ଲାନ୍ରେ ଯୋଡ଼ି ହୋଇଥିବା ପ୍ରତ୍ୟେକ ସିମ୍ରେ ସମାନ ଭାବେ ଲାଗୁ ହେବ।
ନୂତନ ପୋଷ୍ଟପେଡ୍ ଆଡଭାନ୍ସଡ୍ ସେବାରେ ସାଇବର୍ ଠକେଇ ଏବଂ ସ୍ପାମ୍ ଲିଙ୍କ୍ ରୋକିବା ପାଇଁ ସ୍ୱତନ୍ତ୍ର ନେଟୱାର୍କ-ଲେଭଲ୍ ସୁରକ୍ଷା ପ୍ରଦାନ କରାଯାଉଛି। ଏଥିସହ ଏୟାରଟେଲ୍ ପୋଷ୍ଟପେଡ୍ ଆଡଭାଣ୍ଟେଜ୍ କ୍ଲବ୍ ଜରିଆରେ ଗ୍ରାହକମାନେ ସିନେମା ପ୍ରିମିୟର, କମେଡି ଶୋ, ମ୍ୟୁଜିକ୍ କନସର୍ଟ ଏବଂ ବିଭିନ୍ନ ଡିଜିଟାଲ୍ ସବସ୍କ୍ରିପସନ୍ର ପ୍ରତ୍ୟକ୍ଷ ସୁବିଧା ପାଇପାରିବେ। କମ୍ପାନୀର ମାର୍କେଟ୍ ଅପରେସନ୍ସ ନିର୍ଦ୍ଦେଶକ ଅମିତ ତ୍ରିପାଠି କହିଛନ୍ତି ଯେ, ଗ୍ରାହକଙ୍କୁ ନିରନ୍ତର ସର୍ବୋତ୍ତମ ସେବା, ୫ଜି ନେଟୱାର୍କ ଅଭିଜ୍ଞତା, ସାଇବର୍ ସୁରକ୍ଷା ଏବଂ ମାଗଣା ଆନ୍ତର୍ଜାତୀୟ ରୋମିଂ ଦେଇ ସେମାନଙ୍କ ଦୈନନ୍ଦିନ ଜୀବନକୁ ସମୃଦ୍ଧ କରିବା ଏହି ନୂଆ ପ୍ଲାନ୍ର ଗୁରୁତ୍ୱପୂର୍ଣ୍ଣ ଲକ୍ଷ୍ୟ।
୮ ଅକ୍ଟୋବର ୨୦୨୬ ରୁ ସମସ୍ତ ନୂଆ ଏବଂ ପୁରୁଣା ଗ୍ରାହକଙ୍କ ପାଇଁ ଏହି ପ୍ଲାନ୍ଗୁଡ଼ିକ ଉପଲବ୍ଧ ହେବ। ପୂର୍ବରୁ ଏୟାରଟେଲ୍ ପ୍ରିପେଡ୍ କିମ୍ବା ପୁରୁଣା ପୋଷ୍ଟପେଡ୍ ବ୍ୟବହାର କରୁଥିବା ଗ୍ରାହକମାନେ ଏୟାରଟେଲ୍ ଆପ୍ କିମ୍ବା ନିକଟସ୍ଥ ଷ୍ଟୋର୍କୁ ଯାଇ ନିଜ ପ୍ଲାନ୍ ଅପଗ୍ରେଡ୍ କରିପାରିବେ। ଅନ୍ୟ ନେଟୱାର୍କ ବ୍ୟବହାରକାରୀମାନେ ଏୟାରଟେଲ୍ ଆପ୍ କିମ୍ବା ଷ୍ଟୋର୍ରେ ଅନୁରୋଧ କରି ସହଜରେ ଏୟାରଟେଲ୍ ପୋଷ୍ଟପେଡ୍କୁ ସୁଇଚ୍ କରିପାରିବେ।
କମ୍ପାନୀର ନୂଆ ପୋଷ୍ଟପେଡ୍ ପ୍ଲାନ୍ ଚାର୍ଟ ଅନୁଯାୟୀ, ₹୪୯୯ ବ୍ୟକ୍ତିଗତ ପ୍ଲାନ୍ରେ ଅନଲିମିଟେଡ୍ ଡାଟା, କଲିଂ, ସ୍ପାମ୍ ସୁରକ୍ଷା, ଏକ୍ସଟ୍ରିମ୍ ପ୍ଲେ ପ୍ରିମିୟମ୍, ଗୁଗଲ୍ ୱାନ୍ ଏବଂ ବାର୍ଷିକ ୧ ଟି ମାଗଣା ଆନ୍ତର୍ଜାତୀୟ ଟ୍ରିପ୍ ରହିଛି। ₹୭୪୯ (୨ ଜଣଙ୍କ ପରିବାର) ପ୍ଲାନ୍ରେ ଆମାଜନ୍ ପ୍ରାଇମ୍, ଜିଓ-ହଟଷ୍ଟାର୍, ଏକ୍ସଟ୍ରିମ୍ ପ୍ଲେ ଏବଂ ଗୁଗଲ୍ ୱାନ୍ ମିଳୁଛି। ₹୧୦୪୯ (୩ ଜଣ) ଏବଂ ₹୧୨୪୯ (୪ ଜଣ) ପ୍ଲାନ୍ଗୁଡ଼ିକରେ ଆପଲ୍ ଆଇକଲାଡ୍+, ଆପଲ୍ ମ୍ୟୁଜିକ୍, ଆମାଜନ୍ ପ୍ରାଇମ୍, ଜିଓ-ହଟଷ୍ଟାର୍, ଏକ୍ସଟ୍ରିମ୍ ପ୍ଲେ ଓ ଗୁଗଲ୍ ୱାନ୍ ପ୍ରଦାନ କରାଯାଉଛି। ସେହିପରି ₹୧୪୪୯ (୪ ଜଣ) ପ୍ଲାନ୍ରେ ନେଟଫ୍ଲିକ୍ସ ବେସିକ୍ ଏବଂ ₹୧୭୯୯ (୫ ଜଣ) ପ୍ଲାନ୍ରେ ନେଟଫ୍ଲିକ୍ସ ଷ୍ଟାଣ୍ଡାର୍ଡ ସହିତ ସମସ୍ତ ଓଟିଟି, କ୍ଲାଉଡ୍ ସବସ୍କ୍ରିପସନ୍ ଏବଂ ପ୍ରତି ସିମ୍ରେ ବାର୍ଷିକ ୧ ଟି ମାଗଣା ଆନ୍ତର୍ଜାତୀୟ ରୋମିଂ ଟ୍ରିପ୍ ଅନ୍ତର୍ଭୁକ୍ତ କରାଯାଇଛି।
